Það er í raun óhætt að segja að Chelsea sé úr leik í Meistaradeild Evrópu eftir leik við Bayern Munchen í kvöld.
Leikið var á Stamford Bridge en Chelsea lék ágætlega í fyrri hálfleik og var staðan markalaus eftir fyrstu 45.
Bayern kom hins vegar mun sterkara til leiks í seinni hálfleik og valtaði yfir heimamenn.
Serge Gnabry var í aðalhlutverki en hann skoraði tvö mörk með þriggja mínútna millibili til að koma Bayern í 2-0.
Robert Lewandowski skoraði svo þriðja mark Bayern á 76. mínútu og ljóst að liðið er nánast komið í 8-liða úrslitin.
Í hinum leik kvöldsins áttust við Napoli og Barcelona en þar skildu liðin jöfn, 1-1 og er allt opið fyrir seinni viðureignina.
Chelsea 0-3 Bayern Munchen
0-1 Serge Gnabry(51′)
0-2 Serge Gnabry(54′)
0-3 Robert Lewandowski(76′)
Napoli 1-1 Barcelona
1-0 Dries Mertens(30′)
1-1 Antoine Griezmann(57′)
