Salomon Rondon, fyrrum leikmaður West Brom, var nálægt því að ganga í raðir Manchester United í janúar.
Rondon greinir sjálfur frá þessu en hann er samningsbundinn Dalian Yifang í Kína.
,,Ég réð þessu ekki. Það er mikill heiður að vera orðaður við lið eins og Manchester United og þeir eiga frábæra sögu,“ sagði Rondon.
,,Þeir hljóta að vera hrifnir af því sem ég gerði í úrvalsdeildinni. Þeir byrjuðu að tala við umboðsmanninn minn og ég beið eftir símtalinu, kannski frá lögfræðingum en svo sá ég að Ighalo hafði skrifað undir.“
,,Þetta var ekki komið á þann stað þar sem tilboð var á boðinu en ég held að þetta hafi verið nálægt því.“
