Því er haldið fram í dag að Ole Gunnar Solskjær fái væna summu til að styrkja Manchester United í sumar, sagt er að Solskjær fái rúmar 270 milljónir punda til að versla leikmenn. Soccerex sem fjallar um fjármál félaga segir frá þessu.
United mun selja leikmenn frá sér en Solskjær fær væna summu til að koma United aftur á meðal þeirra bestu.
Jadon Sancho, Jack Grealish, James Maddison og fleiri eru orðaðir við félagið. United keypti Bruno Fernandes í janúar.
Solskjær hefur eytt 220 milljónum punda frá því að hann tók við United í Harry Maguire, Aaron Wan-Bissaka, Daniel James og Bruno Fernandes.
United hefur á sama tíma losað sig við marga dýra leikmenn, ljóst er að Solskjær ef hann heldur starfinu fær væna summu til að styrkja liðið.
