Roy Keane, fyrrum leikmaður Manchester United, var nálægt því að ganga í raðir Juventus á sínum tíma.
Keane var frábær knattspyrnumaður og leiðtogi og lék mest megnis af sínum ferli á Old Trafford.
Marcelo Lippi vildi fá Keane í sínar raðir á sínum tíma er hann var þjálfari Juventus á Ítalíu.
Lippi segir að Keane hafi verið í viðræðum við ítalska félagið en skiptin gengu ekki upp að lokum.
,,Ég elskaði Keane. Hann var mjög nálægt því að fara til Juventus en okkur mistókst að semja,“ sagði Lippi.