Erik Hamren, landsliðsþjálfari, gat brosað í kvöld eftir góðan leik við Moldóva á Laugardalsvelli.
Ísland skoraði þrjú mörk gegn engu frá gestunum og var Hamren ánægður með frammistöðuna.
,,Þetta var aldrei auðvelt verkefni. Við þurftum að leggja okkur fram í erfiðum leik og það var mikilvægt að ná fyrsta markinu,“ sagði Hamren við RÚV.
,,Þá vitum við að þetta er erfitt fyrir þá en þeir byrjuðu betur fyrstu 10 mínúturnar en eftir það þá stjórnuðum við leiknum.“
,,Ég er svo ánægður fyrir hönd Kolbeins og fyrir liðið. Hann náði að skora og ég get ímyndað mér að það sé frábær tilfinning eftir að hafa verið svo lengi í burtu.“
,,Liðið spilaði bara best að mínu mati og ef við ætlum að ná árangri þá gerum við það saman. Við gerðum það í júní og í dag í ekki auðveldum leik þó að hann hafi endað 3-0.“
,,Við stefnum á sex stigin í þessu verkefni og erum nú þegar komnir með þrjú. Þetta verður erfiður leikur gegn Albaníu og nú á útivelli. Við þurfum að vinna návígin og þá er allt í góðu.“