Eiður Smári Guðjohnsen, goðsögn íslenska landsliðsins, var í settinu í kvöld yfir leik Íslands og Moldóva.
Ísland vann sannfærandi 3-0 heimasigur en gestirnir sýndu lítið sem ekkert í leiknum.
Eiður segir að verkefnið hafi verið mjög þægilegt fyrir ansi erfitt verkefni gegn Albaníu eftir helgi.
,,Þetta var sennilega með þægilegustu 3-0 sigrum sem við höfum átt, lítil sem engin mótspyrna,“ sagði Eiður á RÚV.
,,Við vorum nánast aldrei undir pressu og þeir sköpuðu sér voða lítið. Þetta var rosalega þægilegt.“
,,Það er spurningamerki hvaða pressa er á Aroni og liðinu og hversu mikil orka fór í þetta.“
,,Þetta var rosalega auðvelt. Gylfi er góður á boltanum en var aldrei undir pressu. Þeir stilltu sér bara upp fyrir aftan boltann og engin pressa. Eins þægilegt og það gerist.
