UEFA mun á morgun funda í Slóveníu um Þjóðadeildina sem fram fór í fyrsta sinn, síðasta haust.

Rætt er um að Þjóðadeildin verði aftur haustið 2020 með svipuðu fyrirkomulagi. Ísland var í A-deild, þegar síðasta keppni fór fram.

Ef óbreytt fyrirkomulag yrði spilað þá er Ísland fallið úr A-deild. Ásamt Þýskalandi, Póllandi og Króatíu.

Þýskir fjölmiðlar segja hins vegar frá því að á fundi UEFA verði lagt til að A-deildin muni nú telja 16 liða en ekki 12. Með því myndi Ísland halda sæti sínu í A-deild og spila við allar bestu þjóðir Evrópu, á nýjan leik.

Fundað verður í Ljubljana á morgun þar sem þetta mun koma í ljós.