Það eru engar líkur á að Paul Pogba sé á förum frá Manchester United segir Ole Gunnar Solskjær, stjóri liðsins.
Pogba er reglulega orðaður við önnur félög en Real Madrid ku hafa áhuga á miðjumanninum.
Solskjær hlustar hins vegar ekki á sögusagnir og veit að Pogba er ánægður hjá félaginu.
,,Ég hlusta ekkert á forseta Real Madrid. Paul leggur hart að sér og er tryggur Manchester United,“ sagði Solskjær en Florentino Perez, forseti Real, gefur í skyn að hann hafi áhuga á Pogba.
,,Við höfum séð það á meðan hann er meiddur. Hann leggur gríðarlega hart að sér til að komast í stand því hann vill spila fyrir okkur og hjálpa til.“
,,Ég hef engar áhyggjur varðandi framtíð Pogba. Þetta fer allt af stað með Real Madid í janúar og þá hef ég engar áhyggjur heldur. Við þurfum að taka þessum sögusögnum.“