Jose Mourinho, fyrrum stjóri Manchester United, viðurkennir að hann hafi átt skilið að vera rekinn í desember.
Gengi United var ekki gott undir Mourinho á síðustu leiktíð en liðið tapaði 2-0 gegn West Ham í dag.
Vandræði United eru enn til staðar og segir Mourinho að liðið sé verra en það var áður.
,,Ég er ekki rétti maðurinn til að svara þeirri spurningu,“ sagði Mourinho spurður út í hver vandamál United væru.
,,Þeir eru langt á eftir og það er erfitt fyrir mig að svara þessu. Ég var þarna í tvö tímabil þar sem ég gat fundið fyrir jákvæðum hlutum og réttri stefnu.“
,,Þriðja tímabilið var svo ekki nógu gott. Ég var rekinn og ég átti það örugglega skilið því ég bar ábyrgð sem stjórinn. Það sorglega er að þeir eru verri en áður.“
Enski boltinn á 433 er í boði 
