Gary Martin, framherji ÍBV stal fyrirsögnum gærdagsins þegar hann kláraði sína gömlu félagi í Val. Gary Martin skoraði bæði mörk Eyjamanna í 2-1 sigri á Val, ein af óvæntustu úrslitum sumarsins.
ÍBV er fallið úr Pepsi Max-deild karla á meðan Valsmenn berjast fyrir sæti í Evrópu. Gary Martin hóf tímabilið með Val en var sagt að hypja sig burt eftir þrjár umferðir, hann hentaði ekki leikstíl liðsins.
Framherjinn frá Englandi samdi svo við ÍBV um mitt tímabil og hefur skora sex mörk í níu leikum í deildinni. ,,Ég sá viðtal við Óla Jó eftir leik, þar reynir hann að halda því fram að það hafi ekki skipt neinu máli hver skoraði þessi mörk. Ég hef ekki séð svona rothögg í íslenskri knattspyrnu áður eins og Gary Martin tók á Valsarana í gær,“ sagði Mikael Nikulásson, sérfræðingur Dr Football um málið.
Tapið er slæmt fyrir Val sem þarf að treysta á önnur úrslit, til að eiga möguleika á Evrópusæti. Það tekur í budduna að komast ekki í Evrópu. ,,Hann er nánast að henda þeim út úr Evrópu.“
Hannes Þór Halldórsson, markvörður Vals fékk gagnrýni á sig eftir leik. ,,Ég ætla að rétt að vona það að landsliðsmarkvörðurinn rífi sig í gang, þessi mistök í þessum leik. Hann á bæði þessi mörk skuldlaust,“ sagði Mikael en Hannes er nú að hefja verkefni með landsliðinu, liðið mætir Moldóvu á laugardag og Albaníu í næstu viku.