Laugardaginn 21. september ætla Kórdrengir að ljúka sumrinu með pomp og prakt og halda heljarinnar ball þar sem öllum er boðið!

Fagnað verður góðu gengi liðsins í sumar, sem komst upp um deild annað árið í röð, en einnig er ballið haldið sem nokkursskonar “óopinber” árshátíð neðri deildanna. Þetta er leið Kórdrengjanna til að búa til fjör og rafmagnaða stemmningu fyrir liðin í neðri deildunum og loka þannig sumrinu með einstöku kvöldi þar sem allir hafa gaman!

Fjörið fer fram í Ægisgarði, Eyjaslóð 5 og opnar húsið klukkan 21 og verður dansað fram eftir nóttu til klukkan 4. ÓKEYPIS INN og fríar veigar verða í boði á meðan birgðir endast.

Dagskráin verður þéttskipuð og hefst með uppistandi Dóra DNA og Björns Braga.

Næst stíga XXX ROTWEILER HUNDAR á svið og ætla þeir að halda uppi stemmningu í húsinu fram á nótt.