Ross Barkley, leikmaður Chelsea, ætlar að taka næsta víti liðsins ef hann er á vellinum.
Hann greinir sjálfur frá þessu en Barkley klikkaði á vítaspyrnu í 1-0 tapi gegn Valencia í gær.
Barkley var að taka sitt fyrsta víti í þrjú ár og setja margir spurningamerki við þessa ákvörðun.
,,Þegar ég er á vellinum þá tek ég vítin. Augljóslega þá fór þetta ekki vel en allir klikka á vítum,“ sagði Barkley.
,,Ég skoraði ekki en ég var fullur sjálfstrausts. Ef við hefðum fengið annað víti í leiknum þá hefði ég tekið það.“
,,Þú getur klikkað á vítum, það er ekki heimsendir. Við eigum fimm leiki eftir í riðlinum og við ætlum að vinna.“