Það eru ekki allir eins metnaðarfullir og miðjumaðurinn Jack Grealish sem spilar með Aston Villa.

Grealish leikur nú með uppeldisfélaginu í ensku úrvalsdeildinni og er mikilvægur á miðjunni.

Dean Smith, stjóri Villa, hefur sjaldan séð eins leikmann og Grealish sem ætlar sér að ná mjög langt.

Smith segir að Grealish æfi eins og skepna og er hissa á að hann sé enn í sambandi þar sem hann er lítið heima.

,,Ég er hissa á að hann sé ennþá með konunni!“ sagði Smith í samtali við blaðamenn.

,,Hann er heltekinn af fótbolta. Hann æfir, finnur sér svo herbergi einhvers staðar og sofnar.“

,,Svo vaknar hann og byrjar í ræktinni. Þannig er hann bara. Það er hans karakter. Svo fer hann heim og horfir á fótbolta.“

,,Þú þarft að draga hann af æfingasvæðinu stundum,. Hann vill verða betri og fær plús fyrir það.“