Unai Emery, stjóri Arsenal, hefur útskýrt hvað fór úrskeiðis á Vicarage Road í dag.
Arsenal komst í 2-0 gegn Watford en missti forystuna niður í seinni hálfleik og endaði leikurinn 2-2.
,,Þeir pressuðu okkur mikið. Watford síðasta árs var mætt í leikinn í dag,“ sagði Emery.
,,Við vorum yfir í fyrri hálfleik og við vissum að við þyrftum að skora þriðja markið.“
,,Þeir fengu meðbyr með stuðningsmönnunum og gátu jafnað. Það er það sem gerðist.“
,,Við gátum ekki höndlað pressuna þeirra í seinni hálfleik. Þeir eru líkamlegt og sterkt lið. Þeir létu okkur gera mistök og treystu á þau.“
