Knattspyrnudeild Víkings hefur framlengt samning sinn við Arnar Bergmann Gunnlaugsson til tveggja ára.

Samningurinn er óuppsegjanlegur af beggja hálfu. Arnar tók við liðinu síðastliðið haust af Loga Ólafssyni og hefur gríðarleg ánægja verið með störf hans í Fossvoginum.

Flestir þjálfarar á Íslandi eru með samning sem hægt er að segja upp eftir hvert tímabil, bæði af hálfu þjálfara og félags.

Tímasetning framlengingarinnar í aðdraganda bikarúrslitaleiks er öllum sem koma að félaginu mikið ánægjuefni.

Knattspyrnudeild Víkings hlakkar til áframhaldandi uppbyggingar í samvinnu við Arnar og skorar á alla Víkinga að mæta á bikarúrslitaleikinn á morgun.

Pepsi Max deildin á 433 er í boði