Sadio Mane, leikmaður Liverpool, var með möguleika á að ganga í raðir Real Madrid á Spáni í sumar.
Þetta segir Saee Seck, forseti senegalska knattspyrnusambandsins, en hann þekkir Mane afar vel.
Seck vill sjá Mane semja við Real og hvetur leikmanninn til að ganga í raðir spænska stórliðsins.
,,Hann er magnaður frammi ásamt Mo Salah og Roberto Firmino,“ sagði Seck við Mirror.
,,Þetta er samt knattspyrna og hann vann Meistaradeildina á síðustu leiktíð. Hann er með tækifæri á að fara til Madríd.“
,,Að mínu mati þá er það besta félag heims. Jafnvel þó að ég haldi með Barcelona þá tel ég að Real sé best. Mane ætti að íhuga það tilboð sterklega.“