Hörður Snævar Jónsson skrifar frá Elbasan:
Íslenska karlalandsliðið spilaði mikilvægan leik í undankeppni EM í kvöld en við lékum gegn Albaníu. Ísland byrjaði leikinn afar illa og áttu Albanar fyrri hálfleikinn skuldlaust og leiddu 1-0 í leikhléi.
Snemma í síðari hálfleik jafnaði Gylfi Þór Sigurðsson metin fyrir Ísland eftir varnarmistök heimamanna. Ekki löngu seinna var staðan orðin 2-1 fyrir Albaníu en Elseid Hysaj skoraði stuttu eftir mark Gylfa.
Kolbeinn Sigþórsson var þá kynntur til leiks hjá Íslandi og jafnaði metin með sinni fyrstu snertingu – frábær innkoma.
Á 79. mínútu þá skoraði svo Odise Roshi þriðja mark Albana en hann átti skot sem fór í Kára Árnason og þaðan í netið. Sokol Cikalleshi kláraði svo dæmið fyrir heimamenn stuttu seina og lokastaðan, 4-2 fyrir Albönum.
Úrslitin því alls ekki góð fyrir Ísland sem er nú þremur stigum á eftir Frökkum og Tyrkjum í riðlinum.
Byrjunarlið Íslands:
Hannes Þór Halldórsson 5
Gat lítið gert í mörkunum.
Hjörtur Hermansson 2
Var í tómu brasi í dag, á að gera betur í tveimur mörkum Albaníu.
Ragnar Sigurðsson 5
Ekkert við Ragnar að sakast í mörkum Albana.
Kári Árnason 4
Gaf eftir þegar líða tók á leikinn
Ari Freyr Skúlason 4
Ekki merkilegur leikur hjá Ara.
Rúnar Már Sigurjónsson 6
Slakur í fyrri hálfleik en átti flotta spretti í síðari hálfleiknum.
Emil Hallfreðsson 4 (´56)
Átti ekki góðan dag, að vera án félags á aldri Emils er ekki góð staða.
Aron Einar Gunnarsson 5
Fyrirliði þjóðar átti fínasta leik, smá brasi framan af en fann takt.
Birkir Bjarnason (´71) 5
Upp og ofan leikur hjá Birki
Gylfi Þór Sigurðsson 8 – Maður leiksins
Í algjörum sérflokki af leikmönnum Íslands, alltaf hættulegur.
Jón Daði Böðvarsson 4
Duglegur en var lítið að fá færi.
Varamenn:
Kolbeinn Sigþórsson (´56) 7
Geggjuð innkoma, mark eftir tvær mínútur með fyrstu snertingu.