Aaron Wan-Bissaka, bakvörður Manchester United, brjálaðist út í Roy Hodgson, stjóra Crystal Palace, fyrir 18 mánuðum síðan.

Wan-Bissaka var lítið þekktur leikmaður fyrir 18 mánuðum áður en hann fékk tækifæri með aðalliði Palace og fór síðar til United.

Bakvörðurinn reyndi að komast annað á lán en fékk höfnun frá Hodgson sem vildi ekki hleypa honum annað.

,,Þetta var í desember. Ég spilaði með varaliðinu en það var engin áskorun,“ sagði Wan-Bissaka.

,,Ég var ekki að fá neitt úr þessu og ég sagði við stjórann að ég þyrfti að fara á lán og bjóst við að það myndi gerast.“

,,Ég var spenntur fyrir því í janúaar og svo var allt í einu lokadagur gluggans runninn upp.“

,,Ég bað einhvern um að ræða við Roy um að senda mig á lán. Ég taldi mig þurfa þess til að öðlast reynslu.“

,,Hann sagði mér að koma og hitta sig og ég var spenntur. Hann lét mig bíða í 30 mínútur og sagðist svo ekki vilja lána mig.“

,,Ég lét eðlilega en ég var brjálaður því ég vildi fara.“