Gary Staker, er nafn sem fáir knattspyrnuáhugamenn kannast við en flestir kannast við andlit hans.

Hann hefur verið á varamannabekk Chelsea til fjölda ár og vakið athygli.

Staker heur starfað hjá Chelsea sem starfsmaður frá 1998, áður var hann öryggisvörður á leikjum.

Staker var fyrst um sinn túlkur fyrir Gianluca Vialli en hefur síðan þá verið aðstoðarmaður, leikmanna.

Hann hjálpar leikmönnum með öll þau vandamál sem geta komið upp í daglegu lífi, það vakti athygli að hann var ekki á bekknum hjá Chelsea gegn Leicester um helgina.

Ensk blöð segja að Chelsea sé að færa Staker í starfi, vilja að hann sjái um sendiherra félagsins en ekki leikmenn. Staker er afar vinsæll á meðal leikmanna en hann er kallaður „Stóri vinurinn“, nafnið gaf Jose Mourinho honum.

Staker er sagður íhuga að segja upp störfum eftir að hafa fengið að vita þetta hjá Chelsea.

Enski boltinn á 433 er í boði