Phil Neville, fyrrum leikmaður Manchester United og þjálfari enska kvennalandsliðsins segir að breyting hafi orðið í kúltúr hjá Manchester United í sumar.
Ole Gunnar Solskjær, stjóri félagsins verslaði þrjá breska leikmenn. Hann reynir að koma félaginu aftur á toppinn.
Það mun taka tíma en Phil Neville segir að sigurnn á Chelsea um helgina, gefi vonir um að það takist.
,,Það hefur orðið breyting á kúltúr í því hvernig leikmenn félagið ætlar að kaupa,“ sagði Neville.
,,Það besta við sigurinn á Chelsea var að sjá viðbrögð Daniel James, við því að skora. Þú sást hvers mikils virði, þetta var fyrir hann.“
,,Það á að vera merkilegt fyrir þig að spila fyrir Manchester United, það sést í þeim leikmönnum sem Ole vildi kaupa. Það sést í ungum leikmönnum sem eru að fá tækifæri í hópnum. Það er lágmarks krafa að leikmenn í treyju United, berjist til loka leiks.“
Enski boltinn á 433 er í boði 
