Raheem Sterling, leikmaður Manchester City gæti orðið fyrsti knattspyrnumaðurinn til að semja við Air Jordan, um að leika í skóm frá þeim.
Air Jordan er hluti af Nike en merkið hefur verið að vinna með PSG í fatnaði síðasta árið. Michael Jordan körfuboltamaður, er maðurinn á bak við merkið.
Nú er Air Jordan að skoða það að framleiða takkaskó og yrði Sterling andlit þeirra.
Telegraph segir að Sterling gæti þénað hressilega fyrir það að leika í skóm frá þeim.
Sagt er að Sterling hafi fengið boð um 100 milljónir punda fyrir að leika í skóm, Air Jordan næstu árin.
Sterling er einn allra besti leikmaður ensku úrvalsdeildarinnar en hann skoraði þrennu í fyrstu umferð gegn West Ham.
