Ander Herrera skrifaði nýlega undir samning við Paris Saint-Germain og gengur frítt í raðir félagsins.
Herrera var áður á mála hjá Manchester United en stjórn félagsins var of lengi að bjóða honum nýjan samning.
Miðjumaðurinn greinir sjálfur frá því og segir að Ole Gunnar Solskjær, stjóri liðsins, hafi reynt allt mögulegt til að halda sér.
,,Ég vil ekki tala of mikið um fortíðina en við vorum ekki á sömu blaðsíðu varðandi verkefnið og mitt hlutverk í því,“ sagði Herrera.
,,Ég var mjög ánægður, það er mikið sem ég er þakklátur félaginu fyrir, sem og stuðningsmönnunum og Solskjær.“
,,Hann gerði mikið til að halda mér en það gerðist ekki. Þeir blönduðu sér í þetta of seint, ég var búinn að semja við París.“
