Jurgen Klopp, stjóri Liverpool, sá sína menn spila við Tranmere Rovers í æfingaleik í vikunni.
Liverpool vann stórsigur á Tranmere, 6-0 þar sem unbgstirnið Rhian Brewster skoraði tvö mörk.
Klopp var spurður út í Brewster eftir leikinn en hann varð aðeins pirraður á spurningu blaðamanns.
,,Fyrst og fremst þá er árið 2019 og við ættum að hætta að tala um þann leikmann sem skoraði tvö mörk og ekki tala um hvað hinir gerðu á 89 mínútum,“ sagði Klopp.
,,Rhian Brewster, ég elska þann strák og hann er frábær leikmaður en ég hefði skorað eitt af þessum mörkum sem hann skoraði.“
,,Hann stóð sig mjög vel ég sá aðra spila vel. Harry Wilson og Ryan Kent voru frábærir í fyrri hálfleik. Ég vissi að Rhian væri góður leikmaður.“
,,Ég vil ekki bara tala um þann leikmann sem skoraði tvö mörk.“
