Valur tapaði sjötta leik sínum í sumar er liðið mætti KR í Pepsi Max-deild karla en níunda umferð fór fram.
Eftir að hafa komist í 2-0 þá töpuðu Valsmenn þeirri forystu niður og vann KR að lokum 3-2 sigur á Meistaravöllum.
Hér má sjá það góða og slæma úr leiknum.
Plús:
Þvílík endurkoma hjá KR-ingum. Eftir seinna mark Valsmanna þá tóku þeir svarthvítu öll völd á vellinum og komust raun bara verðskuldað yfir.
Valsmenn sýndu brot af því besta sem liðið hefur upp á að bjóða og þá sérstaklega í fyrri hálfleik. Voru hættulegir og ógnuðu.
Kristinn Freyr Sigurðsson var frábær fyrir Valsmenn í kvöld og spilaði stórt hlutverk. Gott ef hann er að komast í gang.
Á sama tíma var baráttuandi KR-ingar stórkostlegur. Það var enginn að hengja haus eftir seinna mark gestanna. Hristu þetta af sér og svöruðu á magnaðan hátt.
Markið sem Pablo Punyed skoraði til að tryggja KR sigur var magnað. Smellhitti boltann beint úr aukaspyrnu, sláin inn.
Mínus:
Haukur Páll Sigurðsson fór útaf meiddur hjá Val á 25. mínútu leiksins. Það var blóðtaka fyrir liðið.
Sigurður Egill Lárusson fór af velli á 55. mínútu leiksins hjá Val. Staðan var þá 0-2 en á sjö mínútum þá tókst KR-ingum að jafna. Tilviljun?
Ef vandræði Vals hafa einhvern tímann verið augljós þá er það í kvöld. Að tapa þessu niður er auðvitað hræðilegt eftir að hafa byrjað báða hálfleikana af krafti með mörkum.
Það eru níu leikir búnir af mótinu. Valur er í 9. sæti deildarinnar með SJÖ stig. Tveimur stigum frá fallsæti. Það er ekki hægt.
Eftir hvert einasta mark KR þá versnuðu Valsarar bara. Það var ekki tekið: ‘Ókei rífum okkur í gang’ – það var bara nánast farið að grenja og hausinn var langt niðri. Reyndu aðeins í blálokin en það var alltof seint.
Valur er búið að tapa sex leikjum í sumar. Það er meira en öll önnur lið. Algjörlega sturlað.
Pepsi Max deildin á 433 er í boði
