Íslenska landsliðið vann frábæran 2-1 sigur á Tyrkjum í kvöld er við mættum þeim í undankeppni EM.
Ragnar Sigurðsson sá um að tryggja mörk íslenska liðsins en hann gerði þau bæði í fyrri hálfleik.
Liðið spilaði virkilega vel í sigrinum í kvöld og sáum við það landslið sem við höfum fengið að kynnast síðustu ár.
Stemningin á Laugardalsvelli var virkilega góð og var að sjálfsögðu skellt í víkingaklappið fræga.
Eftir leik þá tóku leikmenn og stuðningsmenn sig saman og buðu upp á hátt og mikið klapp.
Sjón er sögu ríkari.