Íslenska landsliðið vann frábæran 2-1 sigur á Tyrkjum í kvöld er við mættum þeim í undankeppni EM.
Ragnar Sigurðsson sá um að tryggja mörk íslenska liðsins en hann gerði þau bæði í fyrri hálfleik.
Eiður Smári Guðjohnsen, markahæsti leikmaður í sögu Íslands, ræddi við RÚV eftir leikinn og var afar ánægður með spilamennskuna.
,,Þetta er bara meiriháttar. Þegar við hugsum til baka þá var allt ómögulegt í síðustu viku,“ sagði Eiður.
,,Þetta er fljótt að breytast en það er skemmtilegt að sjá liðið sem hefur fengið á sig gagnrýni en hefur aldeilis stigið upp í síðustu tveimur leikjum. Sex stig eins og kosið.“
,,Það er ekki að sjá að þetta tyrknenska lið hafi verið nýbúið að vinna heimsmeistarana. Þeir spiluðu hægt og það var lítið að gerast.“
,,Það eru 15 í bongó á Íslandi og Ísland er byrjað að vinna aftur, bara geggjað.“