Danny Rose lék með liði Tottenham í kvöld sem vann magnaðan 3-2 sigur á Ajax í Meistaradeildinni.

Tottenham lenti 2-0 undir í kvöld en sneri leiknum sér í vil og vann að lokum 3-2 sigur og fer í úrslitaleikinn.

Rose segir að leikmenn liðsins hafi einnig horft á leik Liverpool í gær sem mætti Barcelona og vann 4-0 sigur.

,,Við sáum Liverpool spila í gærkvöldi. Leikurinn er aldrei búinn fyrr en hann er búinn,“ sagði Rose.

,,Við vorum ósáttir við byrjunina í fyrri leiknum og við byrjuðum eins í kvöld. Eftir hálfleikinn þá mættum við þó til leiks.“

,,Stjórinn nefndi frammistöðu Liverpool á hótelinu fyrir leikinn – það er í lagi ef við töpum en við verðum að tapa rétt.“

,,Við vorum heppnir að komast áfram og horfum nú til úrslitaleiksins.“