Miðjumaðurinn Izzy Brown hefur beðið stuðningsmenn Leeds United afsökunar en hann var í láni hjá félaginu á tímabilinu.

Brown kom til Leeds frá Chelsea fyrir þetta tímabil en gat nánast ekkert spilað á leiktíðinni.

Brown spilaði alls 11 mínútur fyrir Leeds í öllum keppnum en hann hefur glímt við þrálát meiðsli.

Leeds komst ekki upp í ensku úrvalsdeildina eftir 4-2 tap gegn Derby í umspilsleik á dögunum.

,,Ég veit ekki hvað ég get sagt, orð geta ekki lýst því hvernig mér líður þessa stundina,“ sagði Brown.

,,Ég vil þakka ykkur fyrir ástina og stuðninginn á tímabilinu, jafnvel þó að þetta hafi ekki farið eins og ég vildi.“

,,Það hefur verið ánægjulegt að geta spilað fyrir þetta magnaða félag. Ég biðst afsökunar á því að hafa ekki spilað eins mikið og ég vildi en svona er fótboltinn.“

,,Ég hef lært mikið á þessu tímabili og það hefur verið gaman að vera hluti af þessu ævintýri.“