Nemanja Vidic, fyrrum leikmaður Manchester United, man eftir því þegar Sir Alex Fetugson öskraði á Cristiano Ronaldo í fyrsta sinn.

Ronaldo gekk í raðir United frá Sporting Lisbon árið 2003 og varð fljótlega einn besti leikmaður heims.

Ferguson var ekkert lamb að leika sér við á æfingasvæðinu og átti Ronaldo stundum erfitt með að taka gagnrýni.

,,Ég held að Ronaldo hafi ekki verið ánægður þegar Sir Alex öskraði á hann,“ sagði Vidic.

,,Til að byrja með þá sagði hann eitthvað við Ronaldo, hann tók við skilaboðunum en tilfinningarnar voru miklar.“

,,Hann tók þessu mjög persónulega en hann var mjög ungur – hann var bara tvítugur.“

,,Þú fattar á endanum, jafnvel ég, að segja honum ekki frá því ef hann gerir eitthvað vitlaust.“

,,Það er betra að sleppa því, annars tekur hann því mjög persónulega og það hjálpar honum ekki að bæta sig.“