fbpx
Þriðjudagur 18.júní 2019
433Sport

Víðir: Af hverju heyrist ekkert frá Stjörnunni? Kallar eftir því að félagið setji Þórarin Inga í langt bann

433
Fimmtudaginn 21. mars 2019 10:07

Ekki missa af Helstu tíðindum dagsins í pósthólfið þitt

Lesa nánar

Víðir Sigurðsson, einn reyndasti íþróttafréttamaður landsins, gagnrýnir niðurstöðu aga- og úrskurðarnefndar KSÍ í máli Þórarins Inga Valdimarssonar og Ingólfs Sigurðssonar harðlega.

Þórarinn lét fordómafull ummæli falla í garð Ingólfs í leik Stjörnunnar og Leiknis á dögunum. Þórarinn missti stjórn á skapi sínu og sagði hann að Ingólfur ætti að hugsa um andlega heilsu sína. Mun hann hafa uppnefnt Ingólf í kjölfarið með vísun í veikindi hans, sem Ingólfur hefur talað opinskátt um. Dómari leiksins heyrði ummælin og vísaði Þórarni umsvifalaust af velli.

Þórarinn bað Ingólf afsökunar strax eftir leik og þá baðst hann einnig afsökunar opinberlega á mánudag. Svo fór að Þórarinn var dæmdur í eins leiks bann en ef marka má pistil Víðis á íþróttasíðum Morgunblaðsins í dag finnst honum sú refsing léttvæg í meira lagi.

Víðir segir:

„Niðurstaða aga- og úrskurðarnefndar KSÍ í máli Þórarins Inga Valdimarssonar og Ingólfs Sigurðssonar hefur vakið mikla athygli eins og fjallað var um í bakverði gærdagsins. Þórarinn tekur út eins leiks bann í Lengjubikarnum í febrúar árið 2020 fyrir brottvísun sem hann hlaut fyrir ósæmileg ummæli í garð Ingólfs um andleg veikindi sem hann hefur barist við á opinskáan hátt.“ 

Víðir vísar svo í reglugerð aga- og úrskurðarnefndar, en þar segir: „Hver sá sem misbýður öðrum einstaklingi eða hópi með fyrirlitningu, mismunun eða niðurlægingu í orði eða verki varðandi kynhneigð, kynferði, trúarbrögð, skoðanir, þjóðernisuppruna, kynþátt, litarhátt og stöðu að öðru leyti skal sæta leikbanni í að minnsta kosti 5 leiki og banni frá viðkomandi leikvelli.“

Víðir spyr hvort nefndin hafi ekki þorað að túlka orðalagið „stöðu að öðru leyti“ á þann hátt að það næði yfir þetta atvik.

„Þó að andleg veikindi séu ekki talin upp í reglugerðinni (sem kallar auðvitað á tafarlausa breytingu á henni) virðist það allavega blasa við ólögfróðum manni að nefndinni hefði verið í lófa lagið að kveða upp eðlilegri úrskurð. Hver hefði niðurstaða nefndarinnar verið ef ummælin hefðu beinst að litarhætti eða kynhneigð viðkomandi?“

Víðir kallar svo eftir viðbrögðum Stjörnunnar í málinu og því að félagið setji Þórarin í bann, til að bjarga eigin andliti og hugsanlega andliti KSÍ.

„Og hvar stendur Stjarnan í þessu máli? Hvers vegna heyrist ekkert frá félaginu? Í áðurnefndri reglugerð er tekið fram að félag viðkomandi skuli sæta sekt að lágmarki kr. 100 þúsund. Stjarnan gæti að sjálfsögðu bjargað andliti KSÍ og eigin virðingu að hluta til með því að setja sinn mann í tilhlýðilega langt bann.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

433Sport
Í gær

Kastaði barninu eins og körfubolta

Kastaði barninu eins og körfubolta
433Sport
Í gær

Stórstjörnur sem fóru í fangelsi: Þuklaði á konu og nefbraut hana

Stórstjörnur sem fóru í fangelsi: Þuklaði á konu og nefbraut hana
433Sport
Fyrir 2 dögum

Myndir: Ramos gifti sig á Spáni í gær – Beckham hjónin mættu

Myndir: Ramos gifti sig á Spáni í gær – Beckham hjónin mættu
433Sport
Fyrir 2 dögum

Hringdi grátandi í mömmu og vildi koma heim: ,,Hann stal öllum peningunum mínum og ég vissi ekkert“

Hringdi grátandi í mömmu og vildi koma heim: ,,Hann stal öllum peningunum mínum og ég vissi ekkert“
433Sport
Fyrir 2 dögum

Fanney berst fyrir lífi sínu á líknardeild: Kórdrengir vilja hjálpa henni – Þessir bolir komnir í sölu

Fanney berst fyrir lífi sínu á líknardeild: Kórdrengir vilja hjálpa henni – Þessir bolir komnir í sölu
433Sport
Fyrir 3 dögum

Sjáðu myndirnar úr brúðkaupsveislu Gylfa og Alexöndru: Flugeldum skotið upp – Þessir listamenn komu fram

Sjáðu myndirnar úr brúðkaupsveislu Gylfa og Alexöndru: Flugeldum skotið upp – Þessir listamenn komu fram
433Sport
Fyrir 3 dögum

Pogba hótar að fara í verkfall: Heimtar þetta í sumar

Pogba hótar að fara í verkfall: Heimtar þetta í sumar
433Sport
Fyrir 3 dögum

Gerrard sagður skoða íslenskan leikmann

Gerrard sagður skoða íslenskan leikmann
433Sport
Fyrir 3 dögum

Aron segir yngri leikmenn ekki taka nógu vel í hlutina: ,,Erum ekki að hrauna yfir þá eða gera lítið úr þeim“

Aron segir yngri leikmenn ekki taka nógu vel í hlutina: ,,Erum ekki að hrauna yfir þá eða gera lítið úr þeim“