Real Madrid á Spáni hefur áhuga á framherjanum Pierre Emerick Aubameyang í janúarglugganum.
Frá þessu greina spænskir og enskir miðlar en Real vill fá annan mann í framlínuna sem getur skorað mörk.
Karim Benzema er aðal vopn liðsins í sókninni í dag eftir erfiða byrjun framherjans Luka Jovic sem kom frá Frankfurt í sumar.
Real er reiðubúið að bjóða Arsenal að fá Jovic í skiptum fyrir Aubameyang en sá síðarnefndi verður samningslaus næsta sumar.
Jovic er aðeins 21 árs gamall en hann skoraði mikið með Frankfurt á síðustu leiktíð en hefur byrjað erfiðlega í nýju starfi.
Enski boltinn á 433 er í boði 
