Thomas Tuchel, stjóri Paris Saint-Germain, er leiður því hann getur varla notað framherjann Edinson Cavani.

Cavani hefur aðeins byrjað fjóra deildarleiki á þessu tímabili en hann er ekki efstur á blaði hjá Tuchel.

,,Ef við spilum 4-3-3 þá erum við með þrjá magnaða leikmenn í fremstu stöðunum, hann, Mauro Icardi og Kyliam Mbappe,“ sagði Tuchel.

,,Ég er sorgmæddur því við erum ekki með lausn til að koma honum í liðið þessa stundina.“

,,Hann á það ekki skilið, hann er mikill atvinnumaður. Hann hagar sér vel í búningsklefanum og gefur liðinu góða orku.“

,,Eins og staðan er þá get ég hins vegar ekki gefið honum margar mínútur.“