Ole Gunnar Solskjær, stjóri Manchester United, var himinlifandi eftir leik við Manchester City í kvöld.
Solskjær og félagar unnu óvæntan 2-1 sigur á City og var Norðmaðurinn afar kátur eftir lokaflautið.
,,Þetta var stórkostlegt, við vorum magnaðir í byrjun leiks. Það var eins og við gætum rifið þá í okkur. Við hefðum getað skorað allt að fimm mörk,“ sagði Solskjær.
,,Við vorum ekki bara að nota langa bolta, við færðum boltann fljótt og áttum þetta skilið.“
,,Við munum muna eftir þessum. Við litum svo hættulega út þegar við fengum boltann og sóttum á mögulega besta lið heims.“
,,Ég var svo ánægður með byrjunina. Það var eins og við gátum skorað í hvert skipti sem við fengum boltann. Við vorum þó að spila gegn besta liði heims.“