Jurgen Klopp, stjóri Liverpool, er ánægður með það að Harry Wilson geti ekki spilað með Bournemouth gegn liðinu í dag.
Wilson er í láni hjá Bournemouth frá Liverpool og er Klopp mjög hrifinn af leikmanninum.
,,Ég er ánægður með að hann geti ekki spilað gegn okkur. Í hvert skipti sem hann tekur aukaspyrnu er það hættulegt,“ sagði Klopp.
,,Við efuðumst aldrei um skothæfni Harry, þau gæði eru ótrúleg – þau eru í klárlega í heimsklassa.“
,,Hann er að taka mikilvæg skref hjá Bournemouth. Þeir eru ekki upp á sitt besta í dag en hann skoraði tvö mörk í þar síðasta leik þrátt fyrir tap en hann hélt lífi í leiknum.“