Eins og flestir vita þá er búið að reka Marco Silva úr starfi en hann var stjóri Everton á Englandi.
Gengi Everton hefur verið slakt á þessari leiktíð og situr liðið í fallsæti eftir tap gegn Liverpool á miðvikudag.
Stjórn Everton fékk loksins nóg og ákvað að leysa Silva undan störfum eftir 18 mánuði í starfi.
Nú er mikið talað um hver tekur við Gylfa Þór Sigurðssyni og félögum en margir koma til greina.
Sky Sports segir frá því að Vitor Pereira, stjóri Shanghai SIPG er á leið í viðræður við Everton. Venjulegt knattspyrnuáhugafólk hefur lítið heyrt um Pereira en hann var áður stjóri Porto.
