Roberto Mancini, landsliðsþjálfari Ítalíu, er viss um að önnur landslið muni ekki vilja mæta Ítölum á EM.
Ítalía átti frábæra undankeppni undir stjórn Mancini og endaði í efsta sæti riðilsins með fullt hús stiga.
,,Ég veit ekki hvort að þeir hafi áhyggjur eða ekki,“ sagði Mancini við blaðamenn.
,,Ég held að önnur lið séu á undan okkur þegar kemur að skipulagi. Frakkland hóf þetta fyrir nokkrum árum og komust í úrslit EM og unnu HM.“
,,Þeir eru með ungt lið og eitt það sterkasta. Það sama má segja um spænska landsliðið.“
,,Þau eru kannski ekki hrædd við Ítalíu en þau væru til í að mæta öðru liði.“
