Jurgen Klopp, stjóri Liverpool veit ekki hvenær varnarmaðurinn Joel Matip snýr aftur á völlinn. Matip hefur eki spilað síðan í 1-1 jafntelfi gegn Manchester United í október.
Matip meiddist á hné í leiknum og bataferli hans hefur ekki gengið vel. Hann fór í rannsókn á föstudag sem ekki kom vel út.
,,Joel þarf meiri tíma, þetta er að gróa en ekki eins og við áttum von á,“ sagði Klopp.
,,Hann þarf meiri tíma, við verðum að taka því rólega,“ sagði Klopp en Dejan Lovren hefur staðið vaktina vel í fjarveru Matip.
Liverpool mætir Everton á morgun en svo gæti farið að Matip verði ekki með fyrr en á nýju ári.
