Eva Stefánsdóttir er 14 ára gömul fótboltastelpa sem spilar með Val. Hún varð fyrir því óláni í sumar að slíta krossband og hefur síðustu mánuði verið í endurhæfingu eftir meiðslin.
Í gær var Sara Björk Gunnarsdóttir, landsliðfyrirliði Íslands mætt til að heimæsækja Evu. Í gær fékk hún að hlaupa í fyrsta skipti í sjúkraþjálfunartíma.
,,Ég ákvað að koma henni á óvart – sýna stuðning og færa henni eintak af bókinni minni. Geggjað að sjá hana hlaupa eftir langan tíma með tárin í augunum af gleði ! Hlakka til fylgjast með þessari efnilegu stelpu í framtíðinni!,“ skrifar Sara Björk í færslu á Facebook.
Sara var að gefa út ævisögu sína sem fæst í öllum helstu verslunum, myndband af þessu má sjá hér að neðan.