Mauricio Pochettino, fyrrum stjóri Tottenham, er opinn fyrir því að taka við annað hvort Arsenal eða Manchester United.

Pochettino útilokar ekki að taka við þeim liðum og mun skoða öll tilboð sem berast á næstu vikum.

,,Það eru mörg félög og spennandi verkefni sem koma til greina fyrir mig,“ sagði Pochettino.

,,Það mikilvægasta fyrir mig núna er að hreinsa hausinn eftir fimm og hálf frábær ár hjá Tottenham.“

,,Ég vil þjálfa aftur í Evrópu. Það er erfitt fyrir mig að ímynda mér verkefni í Argentínu. Vegna fjölskyldunnar þá útiloka ég þó ekki að vinna þar.“

,,Ég er opinn fyrir því að hlusta á þau verkefni sem koma á borðið.“