Jack Rodwell, maðurinn sem enginn hefur viljað snerta reynir að fá samning í ensku úrvalsdeildinni. Hann æfir með Sheffield United.

Rodwell er 28 ára gamall, enskur miðjuaður sem átti að verða stórstjarna. Stjarna hans hefur fallið hratt niður stigann, hann var seldur frá Everton til Manchester City.

Manchester City seldi hann svo til Sunderland, þar sem Rodwell mokaði inn peningum en skilaði engu. Hann fór til Blackburn sem losaði sig svo við hann í sumar.

Síðan þá hefur ekkert lið viljað snerta á Rodwell sem reyndi að fá samning hjá Roma, eftir eina æfingu var honum sparkað út.

Hann æfir nú með Sheffield United og vonast eftir því að fá samning í ensku úrvalsdeildinni.