Sem kunnugt er lenti Aron í alvarlegu bílslysi um verslunarmannahelgina. Hann barðist fyrir lífi sínu fyrstu dagana og hefur síðan gengist undir margar aðgerðir og erfiða endurhæfingu. Hann tví hálsbrotnaði í slysinu og hlaut mikla innvortis áverka. Í einni af rannsóknunum vegna hálsbrotsins kom óvnæt í ljós að hann var með krabbamein í hálsi. Glíman við krabbameinið bætist þannig við endurhæfingu Arons eftir bílslysið.
Á fundi fulltrúa Liverpool skólans á Íslandi með yfirmönnum Liverpool International Academi í höfðustöðvum Liverpool á dögunum, vaknaði sú hugmynd að bjóða upp bolta áritaðann af Liverpool liðinu til styrktar Aroni, en hann er harður stuðningsmaður Liverpool og hefur tvívegis verið aðstoðarþjálfari í Liverpool skólanum á Íslandi.
Samstarf Liverpool og Aftureldingar síðustu 9 ár hefur verið einstaklega farsælt og var það auðsótt mál þegar Afturelding óskaði eftir framlagi frá Liverpool til að geta stutt við Aron og fjölskyldu hans á þessum erfiðu tímum. Aron lék með yngri flokkum Aftureldingar og þjálfaði einnig yngri flokka félagsins fyrir nokkrum árum.
Uppboðið á fótboltanum fer fram á www.fotbolti.net og stendur til miðvikudagsins 18. Desember kl 21:00
Hægt er að bjóða í boltann með því að senda inn boð á fotbolti@fotbolti.net
Enski boltinn á 433 er í boði 
