Erling-Braut Haaland framherji Red Bull Salzburg í Austurríki, kom til Þýskalands seint í gærkvöldi. Hann flaug til Þýskalands á einkaþotu.

Haaland mun í dag funda með Dortmund og skoða hvað félagið hefur að bjóða, þessi 19 ára framherji getur valið úr tilboðum.

Ensk lið hafa mikinn áhuga en Mino Raiola, umboðsmaður hans er sagður vilja sjá hann taka skref til Þýskalands.

RB Leizpig sem hefur sömu eigendur og Salzburg gæti verið spenanndi kostur, sagt er að klásúla sé í samningi Haaland sem gerir honum kleift að fara fyrir 17 milljónir punda.

Hann hefur raðað inn mörkum í Austurríki og er talið að hann geti orðið einn besti framherji í heimi.