Vitor Pereira, stjóri Shanghai SIPG í Kína, hefur staðfest að hann sé ekki að taka við liði Everton.
Pereira var sterklega orðaður við starfið í vikunni en hann hefur þó ekki áhuga á að færa sig um set strax.
,,Það er alltaf mikill heiður að vera orðaður við svona störf,“ sagði Portúgalinn við Sky Sports.
,,Þetta er Everton og ég virði það félag mikið en eins og er þá er ég stjóri SIPG og það er félag sem á stað í mínu hjarta.“
,,Það þýðir að eins og staðan er þá er ég ekki í stöðu til að taka að mér annað verkefni. Ég þarf tíma til að hugsa um mína framtíð og þá möguleika sem ég hef.“
