Carlo Ancelotti var í gær rekinn sem stjóri Napoli á Ítalíu en gengið hefur verið erfitt á þessu tímabili.

Ancelotti og félagar unnu 4-0 sigur á Genk í gær en þrátt fyrir það ákvað stjórn félagsins að reka hann.

Frank Lampard, stjóri Chelsea, hefur tjáð sig um brottreksturinn en hann þekkir Ancelotti mjög vel – þeir unnu saman hjá Chelsea.

,,Ég virði hann verulega mikið og ég vorkenni honum. Ég veit að starfið var erfitt undanfarið,“ sagði Lampard.

,,Ég sá viðtalið hans fyrir leik og hann hagaði sér eins og fagmaður að venju á erfiðum tíma.“

,,Ég held að hann geti unnið hvar sem er í heiminum í hæsta gæðaflokki, auðvitað.“