Það hafa verið erfiðir dagar fyrir Jesse Lingard og Fred, hjá Manchester United. Þeir urðu fyrir kynþáttaníði á laugardag, þetta segir Ole Gunnar Solskjær, stjóri liðsins.
Stuðningsmaður Manchester City var handtekinn eftir sigur United á laugardag, hann ákvað að leika apa í stúkunni og gefa frá sér hljóð.
United vann 2-1 sigur á Ethiad vellinum en atvikið setti ljótan blett á leikinn. ,,Svona á fótboltinn ekki að vera,“ sagði Ole Gunnar Solskjær, um málið í dag.
,,Við getum aðeins farið út á völlinn og gert okkar, þetta hafa verið erfiðir dagar fyrir Jesse og Fred.“
,,Við verðum að hjálpa þessu fólki að skilja að svona hegðun, er ekki boðleg,“ sagði Norðmaðurinn sem undirbýr lið sitt fyrir leik gegn AZ Alkmaar, í Evrópudeildinni.
