Það er ljóst að það andar köldu á milli Romelu Lukaku framherji Inter og Luke Shaw, bakvarðar Manchester United. Þeir voru áður samherjar í Manchester.
Lukaku fór frá United til Inter í sumar en hann var með leiðindi til að komast í burtu. Hann féll svo úr leik í Meistaradeildinni í gær með Inter, liðið fer í Evrópudeildina þar sem United er.
Þegar Lukaku hafði skrifað undir hjá Inter hafði hann skotið á United að hann væri nú mættur í Meistaradeildina, en Shaw ákvað að minna hann á þá færslu í gær. ,,Velkominn aftur,“ skrifaði Shaw og setti góðan broskarl með.
Ástæðan fyrir því að Shaw er illa við Lukaku er að í sumar, ákvað hann að birta hlaupatölur allra leikmanna United. Þar var hann að reyna að sanna fyrir fólki að hann væri ekki feitur og hægur. Þar kom fram að Shaw hefði á þessari æfingu, átt hægasta sprettinn.
Shaw er nokkkuð snöggur leikmaður og kom þeta á óvart en ljóst er að færsla Lukaku hefur pirrað Shaw. United sektaði Lukaku sem tók færsluna út á endanum.