Ef marka má Hjörvar Hafliðason, sérfræðing og stjórnanda Dr. Football er það klárt að íslenska landsliðið er hætt að leika í Errea. Hjörvar segir að búið sé að ganga frá því að Ísland fari yfir í Puma.

Sögusagnir um slíkt hafa verið á kreiki um talsvert skeið. Íslenska liðið hefur lengi vel leikið í Errea en samkvæmt Hjörvari er búið að ganga frá því.

Hjörvar sagi að KSÍ hefði tekið tilboði Puma, sökum þess að fyrirtækið var tilbúið að greiða Íslandi mest til að byrja. Önnur fyrirtæki hefðu frekar viljað greiða árangurstengdar greiðslur. Því hafi tilboði Puma verið tekið.

KSÍ hefur spilað í Errea frá 2002 en stærri aðilar hafa haft áhuga á íslenska landsliðinu síðustu ár.

Ef tíðindin eru rétt mun Ísland spila í umspili EM í treyjum frá Puma og því er tímanum í Errea lokið.