Jose Mourinho, stjóri Tottenham, neitar því að honum sé illa við að nota unga leikmenn hjá því félagi sem hann starfar.
Mourinho var ráðinn nýr stjóri Tottenham í gær en hann er ekki þekktur fyrir það að nota unga leikmenn.
Mourinho hefur átt magnaðan feril sem þjálfari en hann varð að stórstjörnu sem stjóri Porto. Mourinho var staðfestur sem stjóri Tottenham snemma í gær, fyrsta æfingin var svo síðdegis.
Hann byrjaði á að senda smáskilaboð á Harry Kane ef marka má ensk götublöð, þar tjáði hann honum að í hans huga væri hann besti framherji í heimi.
Þessi 26 ára gamli framherji vill vinna titla og Mourinho tjáði honum að hann vonaðist til að hjálpa honum að ná þeim markmiðum.
