Edinson Cavani, leikmaður Úrúgvæ, lék með landsliðinu í 2-2 jafntefli gegn Argentínu í vikunni.
Cavani komst á blað í annars mjög aggressívum leik og skoraði Lionel Messi einnig fyrir Argentínu.
Þeir tveir rifust á vellinum og spurði Cavani mótherja sinn á meðal annars: ‘Viltu slást?’
Messi var ekki hræddur við þetta boð Cavani og svaraði einfaldlega: ‘Hvenær sem þú vilt.’
Cavani tjáði sig um þessi samskipti eftir leik.
,,Þetta er hluti af fótboltanum. Svona eru grannaslagir. Það var oft hiti í þessum leik,“ sagði Cavani.
,,Það voru alls konar tæklingar og það er bara hluti af þessu, þá sérstaklega suður-amerískum fótbolta.“
