Eden Hazard, leikmaður Real Madrid, hefur svarað Arsene Wenger, fyrrum stjóra Arsenal.
Wenger gagnrýndi Hazard á dögunum og sagði Belgann ekki vera í nægilega góðu standi fyrir spænsku úrvalsdeildina.
Hazard er með belgíska landsliðinu þessa stundina en hann segist vera í flottu standi og sér ekki eftir neinu.
,,Ég er í góðu standi. Þegar ég spila leiki þá reyni ég alltaf að gera mitt besta,“ sagði Hazard.
,,Það skiptir ekki máli hvort það sé Real Madrid eða Belgía. Ég vil bara halda áfram uppteknum hætti.“